பில்லா – நீ கட்டுவியா கல்லா?

தல படத்த தாக்குறது தற்கொலைக்கு சமம், இருந்தாலும் ஒரு சமூக அக்கறை கொண்ட ஒரு விமர்சகனா எழுதாம இருக்கலாமா? (யாருய்யா இப்ப கல்ல விட்டு எறிஞ்சது!?)

டோரண்ட்ல நல்ல பிரிண்ட் கிடைச்சும் கால் பண்ணேன் என் நண்பனுக்கு! படத்துக்கு டிக்கட் வாங்கிட்டேன்..நீ வந்துதான் ஆவனும்னு.. ஏமாளி பயல்..அவன் ட்விட்டர் படிக்கலை போல..டக்னு ஒத்துகிட்டான் J

படம் போட்டாச்.! பஞ்ச் டயலாக்கோட படம் ஆரம்பிக்குது..மெலிசான கத்திய எடுத்து எங்கெல்லாம் குத்தமுடியுமோ அவ்ளோ குத்துறார் தல. வன்முறை படம்னு சொல்லபட்ட புதுபேட்டையில கூட..இப்படி..கழுத்துலயும், இருதயத்துலயும் நேரடியா குத்தபடுற காட்சி காமிச்சதில்லைய்யா. பல கொலைகள் பண்ண நமக்கே பாக்க முடியலை..ஹிம்!!

என் ஃப்ரெண்டு பாடி ரெண்டு முறை தூக்கி போட்டுச்சு..நான் சமாதான படுத்தி

எல்லாம் சரியா போய்டும்ன்னு..நெஞ்ச நீவி விட வேண்டியதா போச்சு..தல..பார்வையாளனோட பல்ஸ தூக்கனும்னு முடிவு பண்ண டைரக்டரோட முடிவு இது..நீ என்ன பண்ணுவ தல..!!?

 படம் போட்டு 20 நிமிஷம் ஆச்சு..என்னாடா ஒரு பொம்பளை புள்ளைய கூட காணொம்னு என் நண்பன் அலுத்துக்க, டக்னு நாலு பொன்ணுங்க தாவணியில்லாம வந்து ஆடுதுங்க. தாவணி வாங்கி தந்தாங்களோ..இல்ல புழுக்கத்துல போட்டுக்கலையோ தெரியலை.!

பட்த்துல என்ன கதைன்னா.......சரி அதை விடுங்க பாஸ்..வேற பேசுவோம்.!! அகதியா வந்து இறங்குற அஜீத்க்கு முகம் மட்டும்தான் பாவமா இருக்கு..பாடியோ இப்பதான் பிரியாணி சாப்டு வந்த மாதிரி பல்கியா இருக்கு. வந்த உடனே ஒருத்தன செவுள்ல அறையிறார், உடனே அவரு குட்டி டானா உருவாகிடுறாரு அங்க.

அப்புறம் டக், டக்னு சீன் நகருது, பிரமாதமான சீன்ல எல்லாம் டைரக்டர தூக்கி சாப்டுறது அஜீத் மாதிரி கலைஞனலாதான் முடியும்னு நிருபிச்சுட்டாரு. அதே சமயம் சீன் நல்லா இல்லன்னா தாளிக்க இருக்கவே இருக்காரு டகால்ட்டி.. ச்சே..டோலட்டி டைரக்டர்.!

ரொம்ப ரிஸ்க் எடுக்குற பில்லான்னு சொல்லும் போது..பசின்னு தல சொல்லும் போது பாவம், ப்ரேக் ஃபாஸ்ட் சாப்டாமா வந்துருப்பாரோன்னுதான் பாவமா இருக்கு. எப்டி பாத்தாலும் பட்னி கிடந்த பாடி லேங்வேஜ் எங்க தலைக்கு வரலைங்குற உண்மைய அல்ட்மேட் ஸ்டார் தல அழுத்தமா நிருபிக்கிறாரு.

தியேட்டர்ல இருந்த 15 பேருல, ஒருத்தன்..இப்ப என்னதாண்டா சொல்ல வற்றீங்கன்னு திடீர்ன்னு சத்தமா கேட்கும் போது என்னை முறைச்சு பாத்தான் என் நண்பன்..நிம்மதியா ஃபேஸ்புக்ல கடலை போட்டுகிட்டு இருந்துருப்பேனாடா பாவி..அப்டிங்க்ற அர்த்தம் அந்த இருட்டுலயும் எனக்கு தெரிஞ்சது.

பல இடங்கள்ல..தல டயாலக் கைதட்டல் வாங்க வாய்ப்பு இருந்து, சோம்பேறிகள் நிறைந்த் அரங்குல அதெல்லாம் நடக்கவே இல்ல. ஹிம்!

ஒவ்வொரு டீலிங்கா முடிச்சு தராரு பில்லா, ஒரு வழியா தாலுக்கால ஆரம்பிச்சு, வட்டம், பெரிய வட்டம்லாம் தாண்டி..வெளி நாட்டுல இருக்குற டானையும் சந்திக்கிறாரு.

 ஒரு தம் அடிச்சுட்டு வருவோம்னு நண்பன் கூப்டான், நானோ..நான் வரலைடா..முக்கியமான சீன் போய்ட்டு இருக்குன்னேன். அது ஒரு ட்ரக்ஸ் அசைன்மெண்ட் சீன்..அவன் சொன்னான்..இந்த ட்ரக்ஸ் அசைன்மெண்ட் முடிஞ்சு அடுத்து வெப்பன் அசைன்மெண்ட் வரும்..அப்போ பாத்துக்கலாம்னான். எப்டிரா மாப்ள..அவ்ளோ உத்திரவாதமா சொல்றன்னு கேட்டா..கேடு கெட்ட பயலே..இத தானடா மாத்தி மாத்தி ஒரு மணி நேரமா காட்றானுங்கனுங்கன்னு காண்டாயிட்டான்!

 சரி..சரின்னு அவனை சமாதான படுத்தி ஒரு தம் அடிச்சுட்டு உள்ள வந்தா..ஸ்க்ரின்ல ஒரு ஷாம்பூ விளம்பரம் ஓடிட்டு இருக்கு..ஒரு ஒசரமான புள்ளை தலைமுடிய விரிச்சு போட்டுகிட்டு பீச்ல ஸ்லோ மோஷன்ல ஓடிகிட்டு இருக்க்கு!

சரி..நாம தான் தியேட்டர் மாறி வந்துட்டமான்னு பாத்தா..அதுவும் இல்ல..கரெக்டா 13 பேருதான் உட்காந்துருக்கானுங்க..இருட்டுல குத்துமதிப்பா உட்காந்து பாத்தா..அது ‘இதயம்..இன்னும் எத்தனை துன்பங்கள் தாங்கிடுமோ’ பாட்டாம்!  ஏதோ பேரு ஓமனகுட்டனாம், பனை மரம் மாதிரி வளந்துகெடக்குது ..பாவிபயபுள்ளை. ஒன்சைட் லவ்வாம் தல மேல.!

மற்ற பாத்திரங்கள்லாம் நல்ல தேர்வுதான்..அட நல்லா நடிக்கிறாங்களேன்னு பேசிட்டு இருக்கும் போதே..தல ..அவங்கள எல்லாம் போட்டு தள்ளிடுறார். வெளங்கச்சொல்லனும்னா..காட்சிகள் உயிரோட்டமா அமையும் போதெல்லாம் அங்க வந்து அந்த உயிர போட்டு தள்ளிட்டு..நடந்து போய்கிட்டே இருக்காரு.

ரெண்டு புள்ளைங்க 7 அடியில சுத்தி வந்தும் மருந்துக்கும் அஜால் குஜால் சீன் இல்ல. சரி..தலயாவது உள்பனியனோட வருவாரான்னா.....ஹிஹிம்..பெண்ரசிகர்களுக்கும் பெரிய ஏமாற்றமாதான் இருந்துருக்கும் போல.

கதை ஒண்ணு கோவால நடக்குது, இல்ல வெளிநாட்ல நடக்குது. சாம்பிள்க்கு கூட தமிழ்நாட்டு ஊரு பேரு இல்ல. ஓளிப்பதிவுபதிவும் தலயோட ஸ்டைலும் தான்நம்மள கடைசிவரை தியேட்டர்லெருந்து செவுரு ஏறிகுதிச்சு தப்பிக்காம தடுக்குது.

ஹாலிவுட் ஸ்டைல் படத்துல எல்லாம் கதைய கேட்கறது இல்ல நாம...அப்புறம் அதே ஸ்டைல்லை முயற்சி பண்ணா மட்டும், எங்க கதைன்னு கேட்குறோம்!  இது என்னா சார் நியாயம்.

இருந்தாலும், ஸ்கிரின்ப்ளேல கொஞ்சம் வித்தை காட்டிருந்தா..இந்த படம் நிச்சயம் சூப்பர் ஹிட்டுதான்.

எது எப்படி இருந்தாலும் ரிப்பீட்டட் ரசிகர்கள் கூட்டம் வாய்ப்பு இருக்குறதால இது நிச்சயம் தோல்வி படம் இல்ல்ன்னு சொல்லாம்.!

படம் முடிஞ்சு கைல பாத்தா வாங்கின பாப்கார்ன் அப்டியே இருக்கு..!!! இதுலேயே தெரியலையா...பாப்கார்ன விட படம் நல்லா இருக்குன்னு :)

பில்லா – நீ கட்டுவியா கல்லா?

தண்ணிடுப்பாக்கிக்காக கால் கடுக்க காத்திருக்கும்

– கட்டம் சரியில்லா கட்டதொர